Рухани жаңғыру музейден басталады

Рухани жаңғыру музейден басталады

Елбасы Н.Назарбаевтың «Болашаққа бағдар: рухани жаңғыру» бағдарламасы аясында Қызылорда облысы Төтенше жағдайлар департаментінің ұжымы Шиелі ауданындағы музейлеріндегі жәдігерлерді тамашалады.
Қазіргі жаһандану заманында әрбір ұлттың өзінің ұлттық рухани болмысын іздеуі – заңдылық. Ұлттық сана сілкінісін тудырар Елбасы Н.Назарбаевтың «Болашаққа бағдар: рухани жаңғыру» бағдарламалық мақаласы – келешекке айқын бағыт сілтейтін құнды құжат.
Осы ретте алдымен Департамент қызметкерлері «Қазақстанның киелі жерлері» жобасы аясында жалпыұлттық маңызға ие - Оқшы Ата кесенесінде жүргізілген жаңғырту жұмыстарымен танысты. Оқшы Ата кесенесі – көне заманнан бері келе жатқан тарихи құндылықтардың бірі. Архитектурасы ІX-X ғасырдан бас¬талады. Рухани жаңғыру музейден басталады
26-09-2018, 12:01

Азаматты ажалдан арашалаған

Азаматты ажалдан арашалаған
Азаматты ажалдан арашалаған
Су қоймалары, көлдер мен өзендер жағалауларында мыңдаған адамдар өздерінің бос уақытын өткізеді. Шыжыған ыстықта қалай ғана суға шомылмасқа, сергімеске? Қызығушылық салдарынан кейбір адамдар жүзе алмаса да, су айдынын дұрыс білмесе де, қандай қауіп-қатерлер күтіп тұрғанын ойламастан суға лап қояды. Мәліметке сүйенсек, су айдындарындағы қайғылы жағдайлардың басым көпшілігі жаз кезеңінде болады. Мына оқиғаның соңы да қайғылы жағдаймен аяқталуы мүмкін еді, егер де төмендегі азаматтардың құтқару жұмысына жан аямай атсалысуы болмаса...
... Алғашқыда Қуанышты судан алып шығуға бар күшін салып, халықты көмекке шақырған достары - Шыңғыс Сейдахметов пен Айбол Романқұлов болатын. Бірге «Бәйгеқұм» демалыс орнындағы «Қанқожа» көлінде демалу кезінде досының суға батып бара жатуы олардың жанын шүберекке түйді. Бар күш-жігерімен тырмысқанмен, еш нәтиже болмады, қайта оларды да қоса тартып бара жатты. Олар да досын судан алып шығуға барын салып, алысқанын қоймады, жұртшылықты көмекке шақырып, қол бұлғап, айқайға басты...
«5 тамыз күні отбасымызбен демалу үшін Бәйгеқұмдағы демалыс орнына бардық. Келгенімізге 10-15 минут уақыт болған кезде 5 метрдей тұста бір жігіт көмекке шақырып, жан екпінімен айқайлап тұр екен. Бір мезетте оның қолынан біреудің қолы сырғып, суға түсіп кеткенін көрдім. Жанымда жұбайымның немере інісі тұр еді, оған «ана жақта адам суға кетті»,-деп айқайладым. Ол бірден суға сүңгіп, үрлемелі баллонды ұстаған күйі суға батып бара жатқан жігітті сыртқа шығаруға тырысты. Артынша жұбайым тағы бір немере інісімен бірге үшеулеп, судан жігітті сыртқа шығарды. Жігіттің тері жамылғылары көкшіл түсті, тыныс алуы жоқ болатын. Жүрек соғысы болған жоқ. Ауыз қуысы мен мұрнын, яғни тыныс алу жолдарын су, қан, сілекей, қоқырсықтан тазарттық та, біз жұбайым – Нұрбол екеуіміз шұғыл реанимациялық шараларды бастадық, жасанды өкпе-жүрек реанимациясын жасадық. Сөйтіп, өкпемен тыныс алуы, жүрек соғуы қалпына келді. Сонымен бірге осы кезеңде жедел жәрдемге хабар бердік. Алайда, жақын маңда жедел-жәрдем болмағандықтан, алыстағы жедел-жәрдем қызметі жедел жете алмайтын болғандықтан, бұл кезде санаулы секундтардың өзі аса қымбат болатын, Шиелі күре-жолдық медициналық құтқару бекетіне жеткізу қажет деп шештік. Өз көлігімізбен жақын маңдағы Шиелі күре-жолдық медициналық құтқару бекетіне жеткіздік. Күре жол медициналық пунктіне жетісімен сорғыш арқылы ауыз қуысы мен мұрнындағы, яғни тыныс алу жолдарындағы су, қан, сілекей, қоқырсықтан тағы да тазарттық. Одан соң реанимобильмен Шиелі ауданындағы ауруханаға жеткізуге барымызды салдық. Реанимобильде кислород пен пульсоксиметрді қосып, аудандық ауруханаға жеткенше науқастың жағдайын бақылап бардық. Жол бойы тыныс алу жолдарын тазарттық. Алдын ала Шиелі аудандық ауруханасының реанимация бөлімін біздің ауыр науқасты алып бара жатқанымыз туралы хабардар еттік. Реанимацияда жігіт дем алуын жақсарту үшін тыныс алу аппаратына қосылды. Бірнеше күн Қуаныштың жағдайын сұрап хабарласып тұрдық. Аудандық аурухананың реанимациясының дәрігерлері жағдайдың қалыпқа түспей тұрғандығын, ауыр жағдайда екендігін айтты. Алладан қазақтың жас жігіті өзіне келсе екен деп тілек тіледік, «Оны аппараттан ажыратты, өзі тыныс ала алатын болды»,- деген хабарды естігенде зор қуанышта болдық!»,- деді ағынан жарылып, сол кездегі оқиғаны есіне алған Айжан Базарбаева.
Сонымен бірге, Шиелі күре-жолдық медициналық құтқару бекетінің аға фельдшері Асхабов Шынтастың айтуынша: ««Бәйгеқұм» демалыс орнындағы «Қанқожа» көлінде демалу кезінде суға батып кеткен 1996 жылы туылған Бүркітбай Қуанышты жолдастары және Облыстық медициналық аурухана дәрігерлерімен бірге бекетке алып келген кезде, науқас Бүркітбай Қуаныш ес түссіз, қиын тыныс алып жатқан болатын. Күре жолдық медициналық құтқару бекетінің шұғыл әрекет ету бригадасы қызметкерлері науқастың жоғары тыныс алу жолдарын (электроотсоспен) тазалап отырып, науқасқа ылғалданған оттегі (монитор пациента) қосып, дәрі-дәрмектер енгізіп, жағдайын бақылап отырып, Реанимобиль автокөлігімен Шиелі аудандық ауруханасының реанимация бөлімшесіне дер кезінде жеткіздік.»
17-09-2018, 11:51

Күре жолдағы құтқарушылар

Даңғыл жолда адамның көркін қыздырған көліктердің газ педалін түбіне дейін басамын деп, шыңыраудың түбіне кеткендері қаншама?! Апаттан аяғы аспаннан келіп, басын ұстап, санын соққандарды да санауға саусақ жетпейді. Біз бірін көрерміз, екіншісін байқамаймыз, ал күре жолдық медициналық құтқару бекеті талай оқиғаның бас-қасында болды. Науқастарға қол ұшын беріп, ажалға араша тұрды. Жол үстінде орын алған әрбір оқиға олардың көз алдында. Еңбегі ерен жандардың бір сәттік жұмысымен таныстық.
22-08-2018, 16:45

Автокөліктегі өрт қауіпсіздігі

Автокөліктегі өрт қауіпсіздігі
Автокөліктегі өрт қауіпсіздігі
Өрт-тілсіз жау. Ол айтып келмейді. Кешіксең-кешірмейді. Сәл тосылсаң әп-сәтте-ақ айналасын жалмап тынады.
Сондықтан ондай жаумен күресу үшін төрт қаруың түгел, сақадай-сай болуы қажет. Ал бүгінгі таңда автокөліктерде өрт қауіпсіздігі, өрт қауіпсіздік ережелері сақталмай отыр.
Өрт қауіпсіздігін қамтамасыз ету адамдардың өмірі мен денсаулығын, меншікті, ұлттық байлық пен қоршаған ортаны қорғау жөніндегі мемлекеттік қызметтің ажырамас бөлігі. Көбінесе тілсіз жаудың шығуы, автокөліктің электрсымдарының шағылысуынан пайда болады. Өзге сынақ бойынша көлік ішінде шылым шегу соңғы орын иеленбейді.
10-05-2018, 13:19

Өртке қарсы қызметтің 100 жылдығы

Биыл өртке қарсы қызметтің құрылғанына тура бір ғасыр. Күні-түні бір сәт те тыным таппастан қауіпті саланы меңгерген мамандық иелері өрттен қорғау күнін ерекше атап өтті. Сала ардагерлеріне құрмет көрсетіліп, бірқатар қызметкерлер марапат төрінен көрінді.

3-05-2018, 18:20

СЫНДАРЛЫ СӘТТЕГІ ҰЙЫМШЫЛДЫҚ НӘТИЖЕСІ

Сырдария өзенінде биыл 26 ақпаннан 1 сәуірге дейін сең жүрді. Сындарлы сәтті аймағымыз аса көп шығынсыз өткізді. Көктемгі су тасқыны кезеңінің қорытындысына арналған мәжілісте облыс әкімі Қырымбек Көшербаев осылай мәлімдеді.
Мәжіліс басталмас бұрын қауіпті сейілтуде қажетті техника мен адам күшін жұмылдыру арқылы халық алдындағы міндетін абыроймен атқарған азаматтарды аймақ басшысы алғыс хаттарымен марапаттады. Одан кейін жауапты сала басшылары Сыр өңірінің өткен көктем мен қыстан қалай шыққаны, алдағы маусымға әзірлік жөнінде баяндап берді.
Облыстық жұмылдыру дайындығы басқармасы басшысының міндетін атқарушы Ғабит Жаңабаев мәлімдегендей, былтыр қараша-желтоқсан айларында өзен арнасындағы мұз қату процесі солтүстік аудандардан басталып, Оңтүстік Қазақстан облысы аумағына дейін жалғасты. Қызылорда қаласы мен аудандарда қажетті материалдық-техникалық қор жасақталып, азаматтық қорғау қызмет түрлері күшейтілген режимде жұмыс істеді.

СЫНДАРЛЫ СӘТТЕГІ ҰЙЫМШЫЛДЫҚ НӘТИЖЕСІ
СЫНДАРЛЫ СӘТТЕГІ ҰЙЫМШЫЛДЫҚ НӘТИЖЕСІ
СЫНДАРЛЫ СӘТТЕГІ ҰЙЫМШЫЛДЫҚ НӘТИЖЕСІ
26-04-2018, 20:23

ҰШҚЫШТЫ ЖҰМЫС ӨЗІ ІЗДЕЙДІ

Нұргелді РЫСҚҰЛБЕК: ЕС-145 тікұшағының ұшқышы:

ҰШҚЫШТЫ ЖҰМЫС ӨЗІ ІЗДЕЙДІ
Біздің анықтама:
Нұргелді Әбдіұлы – 1995 жылы Оңтүстік Қазақстан облысы, Ордабасы ауданы, Бадам ауылында дүниеге келген. Ұшқыштардың дені зеңгір көкке самғауды бала кезден армандайды. Бүгінгі кейіпкеріміз де талай рет көкке телміріп, ой құшағына енген.
– Ұшқыш болуды армандамаған бала кемде-кем болар. Бiрақ арманына қол жеткiзгендер аз. Сiздi алға жетелеген қандай күш?
– Бала күнімде достарыммен аспанға көз тастап, ержеткен соң ұшқыш боламыз деп жиі армандайтынбыз. Одан бөлек, іргелес көршіміз ұшқыш болатын. Басынан өткерген түрлі оқиғаларын баяндап, тіпті қызықтырып қоятын. Сол уақыттан бастап ұшқыш болсам деген арманның жетегінде жүрдім. Мектепті бітірген соң Алматы қаласындағы Азаматтық авиация академиясына оқуға түстім. Бірінші курста авиация саласын теория жүзінде меңгердік. Екінші курстан тікұшаққа мініп, тәжірибе жинақтадық. Оқуды бітірген соң ұшақты бірден басқару мүмкін емес. Ол үшін ізденіс пен тәжірибе керек. Авиация саласында қызмет етуді армандап, кейін қатал тәртіпке шыдай алмай, оқудан шығып кеткен курстастарымыз да болды. Мұндай жағдайға тап болмас үшін, ең бастысы, еңбек пен техникалық бейімділік керек. Мысалы, кейбіреулер қанша тырысса да, көлік айдаудың шебері атана алмайды. Ұшқыш үшін денсаулық та маңызды. Өйткені күн сайын ұшудан денсаулығың жақсармайды. Қанша мықты денсаулық болса да, уақыт өте сыр беруі мүмкін.

ҰШҚЫШТЫ ЖҰМЫС ӨЗІ ІЗДЕЙДІ
ҰШҚЫШТЫ ЖҰМЫС ӨЗІ ІЗДЕЙДІ
ҰШҚЫШТЫ ЖҰМЫС ӨЗІ ІЗДЕЙДІ
24-04-2018, 17:33

КЕМЕРОВО ОҚИҒАСЫ БӘРІНЕ САБАҚ БОЛУЫ ТИІС

Кеше облыс әкімі Қырымбек Көшербаевтың төрағалығымен Ресейдің Кемерово қаласында орын алған қайғылы оқиғаға байланысты мәжіліс өтті. Онда аймақ басшысы тиісті сала және басқарма басшыларына нақты тапсырмалар берді.
– Өздеріңізге белгілі, ағымдағы жылдың 25 наурызында Ресейдің Кемерово қаласындағы «Зимняя вишня» ойын-сауық орталығында орын алған өрт салдарынан 64 адам қаза болды. Қаза тапқандардың ішінде бүтіндей бір сыныптың оқушылары тіркеліп отыр. Олар өрт орын алған кезде кинотеатр залында қалып қойған. Мамандардың айтуы бойынша, қаза болғандар санының осынша көп болуына авариялық шығу жолдарының жабық болуы, өрт шыққан кезде автоматты өрт сөндіру жүйесінің жұмыс жасамағандығы, өрт шыққандығы жөнінде келушілер құлақтандырылмағандығы және адамдарды көшіру жұмыстары өз деңгейінде жүргізілмегендігі себеп болған. Сонымен бірге, өрттің тез таралуы орталықтың тез жанғыш арзан құрылыс материалдарымен жабдықталуына тікелей байланысты екендігін атап өткен жөн. Осыншама адамның өмірін алып кетіп отырған бұл жағдай бәрімізге де сабақ болуы керек. Қауіпсіздікті қамтамасыз ету сіздердің жауапкершіліктеріңізге байланысты, – деді облыс әкімі.
Жиында облыс аумағындағы көпшілік жиналатын орындардағы өрт қауіпсіздігі жағдайларын облыстық төтенше жағдайлар департаменті бастығының міндетін атқарушы Асқар Төлешов баяндады.

КЕМЕРОВО  ОҚИҒАСЫ  БӘРІНЕ  САБАҚ  БОЛУЫ  ТИІС
3-04-2018, 15:22

«Жаңа күн» бағдарламасында тікелей эфирде құтқарушы Алғыс айту күні туралы

Қызылорда облысы Төтенше жағдайлар департаменті Төтенше жағдайлардың алдын алу бөлімінің бас маманы азаматтық қорғау капитаны Тимур Еркебаев «Qyzylorda» телеарнасының «Жаңа күн» бағдарламасында тікелей эфирде сұхбат берді. Сұхбат кезінде ол құтқарушының күнделікті жұмысы туралы және азаматтық қорғаныстың құрылу тарихы жөнінде айтты. 1 наурыз – Бүкіләлемдік Азаматтық қорғаныс күнін атап өтуге орай Қызылорда облысы Төтенше жағдайлар департаментінің қызметкерлері жыл сайын құтқарушылардың құтқару барысын көрсететін «Ашық есік күндерін» өткізуді дәстүрге айналдырып келеді. Өз сөзінде ол өзінің таңдаған мамандығының алғыс арқалаған мамандық екендігін және халықты құтқаруға арналғандығын атап өтті. Сонымен бірге Қазақстанда 2016 жылдан бері жаңа мереке – Алғыс күні аталып өтіліп келеді. Бұл күн Елбасының 2016 жылғы 14 қаңтардағы №173 Жарлығымен бекітілген болатын. Осы құжат арқылы оны ресми атап өту күні 1 наурызға бекітілген. «Бұл күн мейірімділіктің, достықтың және қазақстандықтардың бір-біріне деген сүйіспеншілігінің жарқын мерекесі болатыны даусыз. Ондағы мақсат – өскелең ұрпақтың бойына сабырлылықты, достықты және бір-біріне деген сыйластықты дарыту, сондай-ақ Қазақстандағы этнос аралық келісімге қол жеткізу»,- деп нақтылады ол.

«Жаңа күн» бағдарламасында тікелей эфирде құтқарушы Алғыс айту күні туралы
3-04-2018, 15:12